頭七

正所謂「人死不能復生」，其實冷氣機亦然。

尋晚手痕試下開壞咗好一段時間嘅冷氣，點知竟然開得著喎！諗住即刻同大家分享下呢個喜訊，相都影埋，但係諗諗下都係冇post到，因為嗰一刻直覺話我知凡事唔會咁順利(尤其呢排我黑到癲)。

結果冷風供應真係喺我臨訓一刻停止咗。

原來只係一個遲來嘅頭七。

dooG oS leeF

世界變得太誇張。

負能量爆燈。

從來都覺得死係解決所有問題嘅方法之一，但我每次都會忠告別人一定要諗清楚，真係唔會後悔先好做。

呢啲嘢，諗清楚啲好！

所以我仲在生。

[Feel So Good(政治不正確版) 填詞：周禮茂]

打手印

近日心情欠佳，但係一見到啲貓貓狗狗即刻開心番晒。

之前已經見過佢，又係瞓喺呢個位，但唔多睬人。

我都想可以好似佢咁悠閒...

行多兩步又見到有喵喵，摸咗一陣佢已經「喵」我，之後係咁講嘢，一唔摸佢就用個頭頂我隻腳~~

呢隻係Mimi，女仔，金毛mix狼狗。

話說佢我未行埋去佢已經勁開心，我摸摸下佢突然間遞起右手自己俾隻hand hand我，遞完右手遞左手，得意到呢~~

最後佢擅自喺我條褲上面打咗個手印...

見到佢哋開心我就開心喇~~

到藥房曬相

同大家講四個小故事。

食咗飯未

升降機內，師奶A同師奶B雞啄唔斷。

師奶A：食咗飯未呀？
師奶B：未呀...
(轉話題，講咗兩、三句其他嘢)
師奶A(又問)：食咗飯未呀？
師奶B：未呀...

佢又真係面不改容照答架喎！

襯衫美學

喺The One睇中咗一條短褲，猶豫緊買唔買。

我：都唔知襯咩鞋好...
Sales：其實你而家呢對都OK呀，不過唔好係呢隻色，要襯啲暗啲嘅顏色！

咁即係呢對唔OK啦！

到藥房曬相

入到去，個男人問有咩幫到我。

我話：我想曬相...

會唔會crossover得太勁？！

巧令令～＊

食糖水，服務員好好禮貌。

我：頭先落單嗰個人叫做「李巧玲」...
Derek：嘩，巧京京呀...

危險人物

不是我容易相信別人，而是我比較相信遇到壞人是際遇的問題多於一切。

以上的橫額基本上問題不大，結交新朋友時確實應當小心，以防對方別有用心。但警署網頁確切地提到跟網友見面是很危險的事，有受害人因此被非禮，甚至被強姦，這個說法有以遍概全之嫌。

我想這樣一下子將網上交友定義為危險實在很荒謬，我和你不都是下班回家後會開著電腦瀏覽網頁的「網友」嗎？那我和你又是不是他們所說的危險人物？風化案什麼時候都可以發生，不只限於互聯網世界。什麼地方都會有色狼出現吧，最常見的不就是地鐵非禮案嗎？那是不是以後不要坐地鐵？

被別人貼上標籤固然不爽，不過自我標籤化的竟然大有人在。情況就像那些同性戀的會時常跟你強調「同性戀的圈子沒有真愛」，天啊，假如連你自己都戴著有色眼鏡去看自己，連你自己都不去相信，哪會有人願意一生一世配合你？異性戀的夫婦不是一樣會離婚嗎？不是一樣會有人背著另一半出外找一夜情嗎？這到底是那「圈子」的問題，還是個人本質的問題？

我相信世界上每一個角落，每個「圈子」都會有好人和壞人存在，遇到他們的機率跟見鬼的差不多，行好運時做什麼都是一帆風順，行霉運時你在如何聖潔的地方都會遇到骯髒的東西，怎都避不了。與其將自己放在框框，終日提心吊膽的渡日辰，何不嘗試撕去這些無謂的標籤，別讓自己活在絕望之中？

祝大家好運！

［圖片來源：香港警務處網頁］