聖誕很快樂

廿二號冬至去到廿五號聖誕，一共影咗684張相，檔案總大小2.49 GB！任何一日嘅相都因為太大而未能放上online storage俾大家download！

多謝你哋！多謝你哋陪我度過呢個聖誕節！多謝你哋令我呢個單身聖誕節變得咁充實！呢幾日我一啲都唔寂寞！


同場加影：平安夜遇上三個可愛嘅小朋友

神秘的聖誕禮物

唔知今年會抽到啲咩呢~


呢張嘢真係年年都啱用...

又病

等唔切中醫喇！一定要喺後日之前好番！

超市與街市

友人妙齡女教師抱恙陪我食飯，最後俾我捉咗去百佳買薑番屋企煲可樂飲...

店員：五個六吖！
我+友人：-0-!!!!! (嚴重O嘴樣)
店員 (無辜樣裡顯出萬分無奈，幾秒後開聲)：零點八二磅嘛~
友人：點會係咁重呀@@
我 (嘴繼續O)：我早幾日喺街市買，差唔多大都係個幾咋喎，貴得太誇張喇吓話？

有一刻我真係諗過會唔會係超市同街市嘅分別，但差成五倍喎，嗰一刻我同友人嘅心情其實非常複雜。

店員好用心消化我哋嘅疑問，最後發現自己set錯嘢...

「唔好意思，個一吖...」

又中獎了！

原來真係會中o架~~

好似好得意咁喎，但未攞實物，暫且唔評論住！

不過我真係耐唔耐就會中埋晒o的無謂o野，車呀萬元簽賬額呀o個o的又唔見我中...

食屎中

我自問係一個肥/油得起o既人。

呢碟咁o既o野，真係好難放到入口，食兩件都已經嫌多...同行女友人叫我上Facebook打卡–食屎中。

阿副部長o既解釋竟然係：「係呀唔知點解呢排o的雞都係咁，冇乜肉，可能係o的飼料有問題...」

咁係咪即係間接話緊佢自己餐廳o的食物有問題？！我可以報食環嗎？

荃灣青葉海鮮酒家，請俾趣！

手機防盜系統

朋友T問我：你部電話係咪有防盜o架？

你係咪講緊呢樣？

自閉人士

o係智能手機仲未成行成市o既時候，八成o既朋友都係用Smartone。

朋友T係其中一個非Samrtone人，到後期全人類瘋狂Whatsapp之時，朋友T o既（低）智能手機又冇得裝Whatsapp o架喎，結果除o左打電話俾佢之外，佢根本就係not accessible。



話說最近我轉o左台去PCCW，我決定打救朋友T...

我（緊張）：喂你係咪PCCW o架？
T（平淡）：唔係呀，我3 o架！
我（無奈）：Cher！我轉o左去PCCW，諗住睇下有冇得同你SMS咋嘛！我記得你係用o的自閉台，但原來唔係PCCW...
T（淡然）：依家邊有話自唔自閉o丫，有Whatsapp...
我（激動）：你有Whatsapp o架咩？！
T（淡然）：冇呀...








..................








不過，o係我o既世界，友情唔需要靠呢o的o野維繫。

Screw You Window 7!!!!!

之前公司部電腦慢到冇譜，終於成功換上新電腦，自此我就要背負著Windows 7好睇唔好駛o既重擔...



頂你！個「print」button o係邊＿度呀？！？！

我搵o左成兩分鐘先搵到。

傷風的他，傷心的他，反常的他...

從來lunch都要食得正正常常，一定唔會淥公仔麵食。

病o左成個禮拜，今日竟然一反常態淨係想食出前一丁-_-

的起心肝去睇醫生，竟然連醫生都感冒唔開工！呢o的係咪叫做衰開有條路？

病o既時候真係好想有人o係自己身邊...今日不斷諗起呢首歌，呢句caption...

惡貓的鄰居

上回o係旺角遇到一隻惡貓，原來佢附近仲有另一隻喵喵！

任摸/影唔嬲~~

我之後摸得佢好高興=D

黃伊汶搭小巴

我（望向小巴）：呢個人咁似黃伊汶o既！
Amy：邊度呀？@@
我：小巴呀！
Amy：哦~~你講緊坐最前面o個個？

其實我幾鍾意佢。

中獎了！

真係多謝晒！

仲要特登去灣仔/尖沙嘴禮品換領處排隊換！

洗衣機裡的貓咪

「衣櫃裡的男人」大家就聽得多，唔知大家有冇聽過「洗衣機裡的貓咪」呢？


加埋洗衣粉就可以開機~~


好一個姿勢，但佢唔係訓緊o架喎！


呢個pose又想點？


試抓！


洗衣機裡的貓咪

勾魂照相廳

人物：QQ、Ryan
時間：晚上九時四十分



一步入商場就見到上面o既promotion，其實根本都唔知所謂o既「靈魂出竅相片」係乜鬼o野，但我o地竟然真係為o左呢個活動去無印買o野！由於時間趕急，是但一人買o左一包棉花糖。



「卡嚓！」

原來兩個人一齊影一張都可以…



又幾靚喎！

為時已晚

尋晚同大歷去百老匯買電話，買完去食o野。

歷：呢度有一品碼蟻喎~~
我：唔好啦！又貴又唔好食！

結果去o左湯布丸，入到去坐低，有人o係百老匯袋o野發現o左一樣o野…

「紅碼蟻/一品碼蟻$30現金券」

算數，反正都唔好食！食完飯揸車去到荃灣，諗住買o野飲…

我：你去買o丫，呢邊有Circle K…（用手示意方向）
歷：邊度呀？@@
我：呀，呢邊（第二邊）有間7-11，仲要近o的添！

結果一個Haagen-Dazs雪糕bar加一支可樂，夾埋差唔多$40。

今朝我o係袋搵到以下呢樣o野…


滿$10可以用一張

失敗條款

第一，乜o野係「在加領一款食物」？係咪想講「再加領（取）一款食物」？定係「再加另（外）一款食物」？

第二，請問如果我好似下面咁樣叫可以嗎？

沙律 $4x
免費換領食物一款

- 埋單 -

甜品 $5x
免費換領第二款食物

- 埋單．走人 -

所以話，其實寫「條款與細則」都係一門好高深o既學問。

羊群心態

繼早前Facebook被大量「LINE」o既post洗版，今日又再次被洗版－呢一刻大家都人心徨徨，因為o岩o岩有謠言指新聞話呢個app會令對方access到你電話o的資料（連接o左網絡o既o野不嬲都唔安全o架啦，今日先知？），同埋盛傳呢個app原來係按SMS收費。

其實我想講o既係，好地地本身有Whatsapp點解又要裝多個差唔多function o既app呢？

之前一窩蜂去install，而家一窩蜂去uninstall…

香港人真係得閒得滯。

我今夜心情非常非常不正常

自上年o既《唱反調譚偉權x譚偉權音樂會》之後愛上o左呢個靚聲男人…

以下呢首歌同我2011年o既感覺何其相似，點解樣樣o野都越變越壞？

竟然連友情都係？

究竟點解，點解，點解？

『失眠夜』譚偉權
作曲/填詞/鍾志榮

我今夜心情非常非常不正常 看這蕭條虛浮荒唐畸形景象
我裡面受傷 我滿面迷惘
我鍾情偶像因為佢歌精舞勁 佢身為天王竟然去搞一夜情
搞我就話o者 搞佢就唔妥
我升職竟然俾o的衰人阻住晒 我賭狗賭馬炒樓股票仆晒街
佢老公竟然偷偷跟人包二奶 究竟點解 點解 點解 變得咁壞
這失眠失眠失眠失眠的晚上 我周圍周圍周圍周圍通處蕩
我曬著月光 我滿面迷惘
我想入中大想入港大想偉大 到今時今日竟然o係廟街賣鞋
有時就賣tie 你買定唔買
我爹o地媽咪經常不停將我踩 我多麼想人真心關懷多o的了解
我空虛失敗孤單感懷想大嗌 究竟點解 點解 點解 變得咁壞
二千年只係使人感到失敗 二千年只係使人收埋收埋
不知點解 完全不知點解
這失眠失眠失眠的晚上 我周圍周圍周圍通處蕩
我曬著月光 我滿面迷惘
我多麼想人真心關懷多o的了解 我多麼想人真心關懷多o的了解
我空虛失敗孤單感懷想大嗌 點解 點解 點解
我多麼想人真心關懷多o的了解 我多麼想人真心關懷多o的了解
我空虛失敗孤單感懷想大嗌 究竟點解 點解 點解 變得咁壞

能令我一生記得的畏懼

「能令我一生記得的畏懼，正是記不起過去怎進睡」一句歌詞真係完完全全講中晒我o既心事。

來自四面八方o既煩惱，加上週遭環境o既一o的缺陷，呢一、兩年確實係有種徹夜難眠o既感覺。

如果眼前有一撻夜晚唔會有半點雜音o既地方俾我安靜咁休息，我……

















咩都制。

是日活動

我真係好鐘意飲酒。

我真係好鐘意人o地聽我唱歌。

我真係好鐘意一齊出去玩。

P.S. Jiji誣蔑我話我醉了，但我想話我冇囉，雖然上面成支o野我隊晒，但隔o左咁耐仲醉乜鬼-_-

清晨四點！上床訓！

Memory Nightmares

並不是想說回憶像夢魘，而是每次拿著現在跟充實的從前對比時，總是有種說不出的不快。

看著《Kitchen Nightmares》，有點想返回調酒的崗位…

何以不爽？

是日《東方日報》港聞版標題：
百團體今踩上門撕淫賤《爽報》
【本報訊】《爽報》漠視民間聲音繼續渲染色情暴力，全城憤慨，投訴不絕！截至昨日，影視及娛樂事務管理處接獲有關《爽報》含不雅、淫褻等內容的投訴，已增至一百五十四宗，同時，影視處亦不服《爽報》第一期「眼兒媚」專欄只被暫評為第一類物品，決定提出覆核，淫褻物品審裁處稍後會進行全面聆訊。另外，逾百個民間團體組成的「反爽報色情資訊行動」收到的聯署已增至二百七十八個，團體今日會直踩壹傳媒總部，撕毀及踐踏《爽報》以示抗議，並揚言會與《爽報》開展持久戰。

妖，o的人真係麻煩！唔鐘意咪唔好攞o黎睇囉！你o係街度見到個大波妹著住低胸衫，你會唔會行埋去拍佢膊頭同佢講「麻煩你可唔可以收埋條波罅」？

又冇人叫你哄個頭埋去望！人o地又唔係成對胸壓埋你塊面度！


係喇最正義係你喇…
係咪真係恨上鏡恨到咁…

惡貓

是日樓下又整o野，一早被嘈醒。

見到佢，即刻心花怒放…

「喵…喵喵…望下呢邊…」



本身都玩得好地地，之後佢突然想咬我（真咬）同鬧我:'(

脾氣真臭。

童話裡的禁果

Amy：都係你，講緊生果你講乜鬼o野禁果…
我：禁果都係生果o既一種，都係樹上面種出o黎咋嘛！
Amy：咩呀！童話故事o黎咋嘛！

我好想知係出自邊套童話故事@@



唔知o的小朋友鐘意夏娃定係白雪公主多o的呢可？

注定加班中秋節

有皇管o既時候總係以為sharp走冇難度，但永遠o係臨走前幾分鐘就會有突發事件搞到OT超過十五分鐘。（雖則十五分鐘唔算多，但六點呢個惱人o既鐘數，只要過多十五分鐘，個天就好大機會由光變黑，令人倍感沮喪…）

是日中秋早放兩個鐘，本諗住悠悠閒（或者輕輕鬆）過一日之後去食飯，意料之內地忙到冇停過。

重點：結果都係OT o左半個鐘先有得走。

Why? Why me?!?!

十黃月餅與大頭怪嬰

實情阿主持人Angie係話：
「呢個就係十黃o既月餅個餡料o勒！
你睇下個餡料…淨係個料都好似有我塊面咁大…
我覺得有一個BB仔個頭咁大添呀！」

言下之意係咪即係佢覺得BB仔個頭會大得過佢塊面？

P.S. 個人面月餅價值$480！

往事不只能回味

七十七個月前一樣係「屌」一聲…

又係壞冷氣機o既時候。

Jujujujujujujuju

今日竟然黐住我=D

速遞熱線之無人接聽

東張西望Fun Fun選

當打去courier仲難過打去有線中止服務，係咪應該換過第二間？
A 一串光陰一串金，等得太耐好激心…梗係要換第二間
B 唔係，應該耐心等候

其實我只係想攞order form…

Joanne試遮記

今晚要說一件輕鬆點的舊事。

Joanne試遮記（上）
Joanne：「可唔可以試下把遮？」
店員：「可以呀！」
店員拆開把遮俾Joanne試，Joanne試完一大輪後話「要呢把」…
店員：「駛唔駛要把新o架？」

咁試o黎做乜？

Joanne試遮記（下）
Joanne：「……要呢把得喇…」
店員：「哦好呀，你去cashier等一等o丫！」
但店員冇意欲跟隨我o地去cashier…
此時店員對住walkie講：「幫我攞把新o既…」

………………

號召力

這將會是個纏繞我一輩子的議題。

不開心會讓人亂來

拿出火機，上下搖了好幾下。

這是紙包飲品嗎？

我想我真是不開心到極點了。


補：擁有火機不等於會抽煙…

胃痛三小時

話口未完，個身體真係亂咁o黎。

今朝個胃痛到癲o左，食完個通粉以為好番o的，點知仲痛！之後仲要想嘔，痛到企都企唔直…成朝冇做過o野咁滯（係做唔到），差o的想請假返屋企…

經過玩過山車般o既三個幾鐘，突然間話冇事就冇事！但我依然未係想食o野，lunch食o左三份一個飯，之後三點幾肚餓，唯有食愉快動物餅充飢。

好彩趕得切回復狀態出席夜晚o既飯局=)

出火後記

近呢一年半載好少可咁好彩，三、四班羅湖先有一班落馬洲，呢回一踏入月台就係落馬洲！

因為尋晚北上dub骨o既關係，今朝五點半先訓，訓得六個鐘唔夠又出動！出奇o既係今日成個下晝都唔覺眼訓-0-

我諗我o既身體開始亂o黎@@

我需要一個平安鐘

首先請大家搞清楚人物關係先：


三人一齊打邊爐，對住乙，甲突然感觸起來。

甲：如果我同你到o左四十歲都冇人要，我o地就一齊共度餘生啦！

乙（認真）：早o的得唔得呀？三十八歲？

甲（滿心歡喜）：好，到時我地可以搬入去同丙一齊住！

乙：不過我諗我到時唔會冇人要…

@$#*-$/-+)-%#@$÷#/&

=(

V嘩鬼叫周柏豪

「喂，唔該搵陸小姐。」

明明聽電話o既係一把男人聲！點解？點解係都要搵陸小姐？！

係咪一定要form 5未畢業o既妹妹仔先可以睇周柏豪？

結論係開show當日應該會氾濫住妹妹仔o既尖叫聲…


門票設計到postcard咁…

o係呢度送周先生o既新歌俾大家聽：

好人

短短o既十五分鐘，發生o左三件令我覺得少許感動既事。

第一件事發生於樓下大家樂，我撞到樓上o既鄰居同佢娘親。
其實本身諗住買o野食，但眼見前面有六、七個人，加上已經有一定數目o既人等緊拎野食，通常呢o的情況都一定要久候十五分鐘以上，所以我都係去新星買$22叉燒飯算數，慳錢慳時間。
我禮貌地拍一拍阿鄰居話我走先，點知驚動了娘親。
我只係講o左句『好多人要等好耐』，跟住auntie竟然話『唔係好多o者！我讓你先喇！』嘩，點解咁好o架！
但最尾我都係拒絕左auntie o既好意，因為真係唔想等…

第二件事就發生於Circle K，我去買奶。
買o左盒964毫升o既維記奶，俾完錢，個阿姐好友善（非商業口吻）咁問我有冇印花咭，我答完佢話冇諗住走啦，點知佢繼續講，話俾張我，買五送一。
真係要多謝阿姐拉住我，張咭對我o黎講…好有用。

第三件事發生o係等lift既時候，故事背景係我左手抽住一大個Reply袋同一袋叉燒飯（送我唔飲o既百事一罐），右手拎住一大盒奶、三封信同一抽鎖匙，看更猛同我講野，左面企o左個聽緊MP3 o既男人。
看更講完o野，隔o黎個男人凝視o左我兩秒，我擺出一副『？』o既表情。佢再指一指我左手個抽o野，我望一望盒叉燒飯，再講望一望佢，我用眼神問佢：『即係點？』，跟住佢終於開金口：『個飯盒歪晒。』
我仲有唔駛三分鐘就返到去，阿男人都咁關心我個飯…

其實做唔做以上三樣o野或者都無傷大雅，但原來做o左會令人覺得有點窩心…

如果…

如果舊情人不是身患惡疾，或許我不會坐在這裡喝榛果巧克力。


如果當初更努力讀書…

如果沒有遇到這個人…

如果沒有離開水記…

如果沒有亂花錢…

如果我懂看開…

如果可以將『如果』變真…


如果我是邪留丸…

最近有點怕苦。

現在回想起來，我愛他的程度總比討厭被沙弄髒衣服的指數高。

那當天為何有點抗拒久留？

請．不要．棄掉雜誌

公司個清潔阿姐真係好有趣。

話說我每次掉雜誌o既時候都會o係相關地方貼上一張寫住「不要」字眼o既A4紙以茲識別。

尋日為o左方便自己做o野，我放o左兩疊書o係垃圾桶側邊。其實之前阿姐都唔會掉我放o係垃圾桶側邊o既o野（包括我用o黎裝鼻涕紙o既紙皮箱，我唔記得寫「不要」佢都唔掉！），但我臨走都係唔放心，於是寫o左張紙貼o係其中一疊書上面：「請不要棄掉雜誌！」

本打算highlight住「不要」兩個字，又怕阿姐睇o的唔睇o的以為真係不要，於是都係唔搞咁多o野。

「請不要棄掉雜誌！」

今朝返到o黎，貼住溫馨小提示o既一疊雜誌唔見o左。

對了，這就是我想要的寧靜。

我只是想找個安靜的地方，脫離現實生活中的繁囂，忘記白天的煩惱蓋頭大睡…

房間很吵，世界很吵。

小孩在哭。

就像小孩跟爺爺要錢買糖果一樣，誰都知道順利的話必定會雨過天晴。

只怕面前的一道牆鑿不破。

可不可以不再因想太多而病…