2012年4月1日星期日

前程錦繡

擇自舊同學Xanga嘅一篇舊文章...(其他人名會用英文字母代替)

「呢兩年入面, 可以誇張D講係由細到大返學以黎最開心既時光, 可以一大班同學一齊食飯一齊做PROJECT一齊放學後去唱K去玩, 即使我同其餘7個同學未必真係個個都咁多野講咁fd我都覺得好開心, 可以成為佢地其中一份子我已經好滿足, 因為我係好喜歡一大班人好WARM咁聚埋一起果種感覺。

Quincy係我迎新日第一個識既同班同學, 我仲記得佢o係當日介紹左隻佢用開既暗瘡膏俾我, 雖然第一日我覺得佢好怪但之後我發覺佢係越來越有趣XD R係o係第一日正式上堂, 我記得係電腦堂, lunch時我問佢一唔一齊食飯THEN就JOIN埋我地喇, 其後都係3個男丁一齊食飯, B就成日都自己係飯堂食跟住去圖書館, 有一日我地覺得成日都只係得3個麻甩佬都唔係辦法, 點都要搵D女仔一齊, 就唔知點解由我去問S佢地3個去唔去唱K, 點知被拒絕, 之後退求其次搵個肥既女仔去點之都係食檸檬, 我真係7到冇朋友-.- 幾日後S 3個主動叫埋我地一齊食加上N都肯出, 自此就有7個人喇。year2....第8個人G加入, 佢係因為留班而插入我地果班, 當初我亦覺得佢好怪但其後都接受左佢。呢兩年黎發生過好多好多既笑料, 主要都係拎R黎取笑, 我都會加埋把口, 雖然係好衰, 但真係好搞笑XD

考試最後一日, 一班人包括我去左BBQ, 跟住去食糖水, 最後quincy講左一句『前程錦繡』就各自散去...」

已經唔係第一次翻睇,淨係睇第一段已經想拍手認同。

一路睇,以前嘅歡樂片段一路喺腦裡面浮現,但個心竟然覺得痛。

嗰種懷念夾雜住心酸嘅感覺係難以言喻...

2 則留言:

匿名 說...

你成為左人地心中一個美好嘅回憶~

Quincy Luk 說...

希望係!

Related Posts Plugin for WordPress, Blogger...