現實版Draw Something之POOP

同朋友喺尖沙嘴睇衫。店員嘅style有啲似糖妹，即係cute cute地，講嘢細細聲嗰啲，但冇咗糖妹嗰一份作狀同低能。

一入去已經見到佢個飯盒上面畫咗篤屎喺度，我懷疑係佢同事/朋友/男朋友玩得Draw Something太多所以不期然周圍畫。搞咗一大輪，朋友試緊衫嘅時候，翻版糖妹先驚見糞便塗鴉曝光。

佢故作輕鬆咁拎起檯上面嘅marker，偷偷地喺飯盒上面畫咗幾筆，企圖令上面嗰篤屎消失。

我想講其實我見到晒成個過程...