食物同服務質素算係唔錯，但對我而言，環境舒服先至係最緊要。平時兩個人去的話，佢哋都好樂意提供一個可以坐到六個人嘅梳化位俾你，加上八點前所有drinks buy 1 get 1 free，喂，仲點會想去其他地方？
但好景不常，上個禮拜我赫然發現銅鑼灣呢間分店執咗(明明3月13號仲去緊)！
無奈地post咗一張以「長埋是你嗎 何以未講一聲就撇下我 回答吧 R.I.P. Fat Angelo's CWB...」為caption嘅相上Facebook，出於好奇心再將呢張相share咗上Fat Angelo's fan page，問佢哋會唔會再喺銅鑼灣開分店...點都估唔到佢哋真係用心地消化我post/share上去嘅每一個字，我除咗得到一個官方答案之外，仲得到一個好人性化嘅回應。
負責人竟然quote番歌詞答我「荼薇紅過都變枯枝 血肉之軀會沒法保持 唯獨春天可以給記住」！
雖然只係一句歌詞，但已經係做緊一樣more than customer service嘅工作。希望每一個客人都會記住佢哋嘅細心。
2 則留言:
FA 一直係我至愛, 由中環到環仔到將軍澳都去過,都執晒;而家銅鑼灣都無埋,不無傷感;得返尖沙咀同無咩氣氛既荃灣...好欷歔呀!
由我哋嘅MSN對話可以得出以下總結：
荃灣、尖沙嘴同埋銅鑼灣三間，我覺得銅鑼灣嘅食物同服務質素係最好。對於是次結業，深感無奈同埋以後喺銅鑼灣唔知可以去邊度食飯。
發佈留言