可愛/不可愛，OK/Not OK？

耐唔耐都會留意下7-11或者Circle K有乜嘢換，因為有時啲公仔真係幾得意。加上前排Circle K開始喺Facebook搞活動，唔駛買嘢都有得抽獎，上年年尾我先中咗隻幾可愛嘅箭豬先生，所以一定會多加留意。

今次唔送公仔送「OK Fun包」(印花)。

「迪士尼Pook-a-Looz布藝毛公仔」wall post一出即刻核突聲四起，頂癮o既係一個鐘頭之後Circle K隨即再出post為自己辯護，話「其實Pook-a-Looz係迪士尼人物嘅最新Q版設計，呢個range喺日本大熱」，搞到好似佢講完之後啲網民就即刻會由恨變愛咁喎。

唔理你係Q版定係咩著名藝術家設計，口味呢家嘢人人唔同，唔鍾意就係唔鍾意架啦。同埋之後都有唔少人話啲公仔得意吖，唔駛咁敏感喎！

話說我抽到十個「OK Fun包」，但印花上嘅Fun數一啲都唔樂觀。

都好，留番啲運氣抽好想要嘅嘢！